Германски јазик/Номинатив

<< Das Präsens | Der Nominativ | Plural der Nomen >>

---

Der Nominativ / Номинатив

Што означува номинатив?

Во германскиот јазик разликуваме четири падежи:

• Номинатив - е основна форма на именката. Подметот во реченицата е во номинатив - тоа е лицето што го врши дејството.
• Акузатив - се однесува на директниот предмет во реченицата - тоа е лицето или предметот врз кое дејството е извршено.
• Датив - се однесува на индиректен предмет во реченицата.
• Генетив - се користи да се покажи поседување.

Номинатив е првиот падеж во германскиот падежен систем. Го опишува подметот во реченицата. Подметот на реченицата секогаш и на кој било јазик ја опишува личноста или работата што прави нешто.

На пр. Der Mann ist klug. - Мажот е паметен.

Како што можете да видите, мажот е личноста која прави нешто - тој е паметен. За да го пронајдеме подметот во реченицате може да го поставиме прашањето кој? (wer?) или што (was?). Wer ist klug? - Der Man. Der Man е подметот во реченицата, поради тоа оваа именка ќе биде во номинатив.

Членот

Неопределениот член во номинатив гласи:

Неопределен член

	Член	Пример	Македонски
машки род	ein	ein Mann	(еден/некој) маж
женски род	eine	eine Frau	(една/некоја) жена
среден род	ein	ein Brot	(еден/некој) леб
множина	---	Kinder	(едни/некои) деца

Определениот член во номинатив гласи:

Определен член

	Член	Пример	Македонски
машки род	der	der Mann	мажот
женски род	die	die Frau	жената
среден род	das	das Brot	лебот
множина	die	die Kinder	децата

Присвојни заменки во номинатив

Улогата на подмет во реченицата може да ја врши и присвојна заменка. Формите за присвојните заменки во германски се еднакви за машки и среден род. Формата за женски род е еднаква со онаа за множина. Тие се:

	Mask./Neut.	Fem./Pl.	македонски*
ich	mein	meine	мој/моја/мое/мои
du	dein	deine	твој/твоја/твое/твои
er	sein	seine	негов/негова/негово/негови
sie	ihr	ihre	нејзин/нејзина/нејзино/нејзини
es	sein	seine	негов/негова/негово/негови
wir	unser	unsere	наш/наша/наше/наши
ihr	euer	eure	ваш/ваша/ваше/ваши
sie	ihr	ihre	нивен/нивна/нивно/нивни
Si	Ihr	Ihre	Ваш/Ваша/Ваше/Ваши (формално)
*Преводот на македонски е даден само за компарација. Во предвид мора да се зема родот на именката на германски. На пр. das Auto (neut.) - Das ist mein Auto. - Тоа е мојата кола.