Црно му било пишано на Александро Турунџев

Од Wikibooks
Прејди на прегледникот Прејди на пребарувањето
Црно му било пишано
на Александро Турунџе
шеснајгодишен војвода
на седумнајста го фатија.
Бог да убие кодошот,
кодошот Митре Гинката,
што го предаде Турунџе,
тој неустрашен бунтовник.
Тој го предаде Турунџе,
за сто и пејсет жолтици,
тој го предаде Турунџе,
на тие клети душмани.
Го турија во зандани,
во тие темни долапи,
со тешки франги на раце,
и дробен синџир на гуша.
Го изведоа на Ат-пазар,
му ја кажаја бесилката,
цела се Битола расплака,
за Александро Турунџе.

Надворешни врски[уреди]

Блог за македонски народни песни

Музика