- Трба трби Гевгелија
- сите Турци надавија х2
- од јунака Леонида.
- Цар испратил до три војски
- до три војски се' тирански.
- Прва војска гевгелиска
- втора војска е дорјанска х2
- трета војска е струмичка,
- ќе го барат Леонида,
- Леонида баш комита.
- Го бараја во богданско
- го најдоја во Ѓавочко х2
- во Ѓавочко во Ѓурѓов дол,
- јунак лежи под спилата,
- срце му је динамита х2
- в раце држи леворвера
- бој започна од сабајле
- од сабајле дур до вечер,
- триста души убиени,
- а ранети неброени.
- Проговара јузбашија
- еј јунаку Леонида
- предај ми се ти на мене
- да те видам кај cултанот
- тој да види каков јунак
- ќе ти даде многу пари.
- Одговара Леонида
- слушај мене јузбашијо
- елај ваму, понаваму
- да ти кажам два три збора (х2)
- два три збора Македонски.
- Голем срам је за комита
- жив да падне в турски раце
- таква правда, турска правда
- три илјади на тримина
- останаја два патрона
- еден за теб' втори за мен'.
- Си извади леворвера
- па го стрела јузбашија (х2)
- и на крајот сам се убил.
- Живот даде Леонида
- за Македонија мила.
Надворешни врски[уреди]
Блог за македонски народни песни
Во изведба на Васка Илиева
