Сношти минав покрај вази

Од Wikibooks
Прејди на прегледникот Прејди на пребарувањето
Сношти минав покрај вази,
тебе моме не те најдов,
срце ми се растрепери,
почнав солзи да ронам. 2х
Сечи моме руси коси,
прави скала да се качам,
да ти видам бело лице,
ем рудото ти грло. 2х
Кажи моме вистината,
љубиш ли ме, мамиш ли ме,
ил сос' мен се подиграваш,
да ти мине времето. 2х
Ах да можам да разберам,
була ли си, ил' Гркина
ил' си моме Македонка,
што си толку убава. 2х

Надворешна врска[уреди]

Во изведба на Виданка Ѓоргиева