ВОВЕД

Од Wikibooks
Прејди на прегледникот Прејди на пребарувањето

УДАР ВРЗ АВТОНОМИСТИЧКОТО ДВИЖЕЊЕ НА МАКЕДОНЦИТЕ

Македонската борба во грчката национална историја се смета за херојска борба на Грците во Македонија во периодот 1904-1908 година за зачувување на нивниот национален идентитет и независност. Но, таа херојска борба постои само во книгите на грчките историографи.

Грчката антимакедонска борба е систематски напор што го вложила грчката држава во почетокот на 20 век за да му зададе удар на национално-демократското автономистичко движење на Македонците. Во таа борба, грчката држава и националистичката парадржава му станале сојузник на отоманскиот естаблишмент. Грчките платенички банди посеале ужас и смрт низ македонските села и се обиделе безуспешно да го спречат развојот на македонската национална идеологија и на демократско-автономистичката борба на Македонците.

Низ страниците на оваа книга, врз основа на објавените мемоари на грчките македономахи (борци на Македонија), како и на голем број необјавени грчки историски документи првпат се презентира антимакедонската природа на оваа борба.

ДИМИТРИС ЛИТОКСОУ